حکومت نے سکیورٹی اداروں کیخلاف پراپیگنڈا کرنے والوں کیخلاف کریک ڈاؤن کا فیصلہ کرلیا۔
اسلام آباد، حکومت کی جانب سے ریاست اور سکیورٹی اداروں کیخلاف پراپیگنڈا کرنے والوں کیخلاف کریک ڈاؤن کا فیصلہ کرلیا گیا۔
حکومتی ذرائع کا کہنا ہے کہ ملک دشمن پراپیگنڈا میں ملوث افراد کیخلاف کریک ڈاؤن کی تیاریاں کر لی گئی ہیں، کارروائی کیلئے سکیورٹی اداروں اور ایف آئی اے سائبر کرائم کی مشترکہ ٹیمیں تشکیل دی جائیں گی۔
ذرائع کے مطابق وفاق اور صوبائی سطح پر ٹیموں کو گرفتاری و تفتیش کے اختیارات حاصل ہوں گے، مشترکہ ٹیموں کو پی ٹی اے اور متعلقہ اداروں کی مکمل معاونت بھی حاصل ہوگی۔
ذرائع نے یہ بتایا ہے کہ سائبر کرائم کے حوالے سے ٹیمیں وفاقی حکومت کے ماتحت کام کریں گی، ٹیمیں سوشل میڈیا اپیس پر اکاؤنٹس کی تفصیلات معلوم کرنے کی ذمہ دار ہوں گی۔
ٹیموں میں سائبر سکیورٹی ماہرین بھی شامل ہیں جنہیں تمام وسائل دیئے جائیں گے، مشترکہ ٹیمیں ملک کے کسی بھی علاقے میں چھاپے اور گرفتاریاں کر سکیں گی۔
