اداکارہ حرا مانی کی انسٹاگرام ویڈیو وائرل ہوتے ہی صارفین نے دلچسپ مشورے دینے شروع کردیے ہیں۔
انسٹاگرام پر اداکارہ کی جانب سے ویڈیو اپلوڈ کی گئی تھی، جس میں واضح دیکھا جاسکتا ہے کہ اداکارہ گلابی ساڑھی میں ملبوس قراقرم ہائی وے پر پاسو کونز پر موجود ہے۔
بلند پہاڑوں کیساتھ عقب میں چلتے گانے کے ساتھ حرا مانی کی ویڈیو نے سوشل میڈیا صارفین کو اپنی طرف متوجہ ضرور کیا، تاہم اس پر انسٹاگرام صارفین کی جانب سے ملے جلے ردعمل کا اظہار جاری ہے۔
کوئی اداکارہ حرامانی کی تعریف کرتا دکھائی دے رہا ہے، تو کوئی ان پر تنقید کر رہا ہے، ایک خاتون صارف نے لکھا کہ ساڑھی کے ساتھ یہ احساس سب سے بہترین ہے، جبکہ ایک خاتون صارف نے اداکارہ کو حسین قرار دے دیا۔
ایک صارف نے حرا مانی کو پاکستان کی کرینہ قرار دیا، جبکہ ساتھ ہی لکھا کہ خوبصورتی یہیں موجود ہے، اپنی کرش بھی قرار دے دیا جبکہ دیگر صارفین نے تنقید کرتے ہوئے لکھا کہ اسے کوئی بالی ووڈ بھیج دو۔
View this post on Instagram
ایک صارف نے اداکارہ حرامانی کو پاکستانی عرفی جاوید قرار دیا جبکہ ایک اور خاتون صارف نے لکھا کہ انہیں بھارت میں پیدا ہونا چاہیے تھا، کیونکہ یہ پاکستانی ثقافت نہیں ہے۔
