93
انسداد دہشتگردی عدالت نے جی ایچ کیو حملہ کیس میں اپوزیشن لیڈر عمر ایوب کی درخواست بریت خارج کردی۔
راولپنڈی کی انسداد دہشتگردی عدالت نے جی ایچ کیو حملہ کیس میں اپوزیشن لیڈر عمر ایوب کی درخواست بریت کو خارج کر دیا ہے۔ عدالت کے جج امجد علی شاہ نے تحریک انصاف کے رہنما عمر ایوب کے خلاف اس کیس میں بریت کی درخواست پر سماعت کی تھی۔
انسداد دہشتگردی عدالت نے عمر ایوب کی درخواست پر محفوظ فیصلہ سناتے ہوئے ان کی بریت کی درخواست کو مسترد کر دیا۔
اس موقع پر پبلک پراسیکیوٹر ظہیر شاہ نے دلائل دیتے ہوئے کہا کہ ملزم ہمراہی ملزمان کے اقبالی بیان میں نامزد ہے، اور فرد جرم سے قبل ملزم کی بریت استغاثہ کی شہادت کو متاثر کرسکتی ہے۔
