پاکستانی شوبز انڈسٹری کی اداکارہ طوبیٰ انور نے شادی کیلئے جیون ساتھی کی خصوصیات بتادیں۔
کراچی: پاکستانی شوبز انڈسٹری کی معروف اداکارہ طوبیٰ انور نے شادی سے متعلق اپنی رائے کا اظہار کرتے ہوئے کہا ہے کہ وہ جیون ساتھی کے انتخاب میں سب سے زیادہ باہمی احترام، دوستی اور ذہنی ہم آہنگی کو ترجیح دیں گی۔
اداکارہ نے ایک نجی ٹی وی چینل کے مارننگ شو میں شرکت کی جہاں انہوں نے نہ صرف اپنی ذاتی زندگی پر کھل کر بات کی بلکہ شوبز سے جڑے مختلف پہلوؤں پر بھی گفتگو کی۔
شو کی میزبان نے جب ان سے جیون ساتھی کی خوبیوں سے متعلق سوال کیا تو طوبیٰ انور نے کہا کہ وقتی طور پر بعض لوگ پسند آتے ہیں، لیکن جب ان کے ساتھ رشتہ طویل مدت کے لیے چلانا ہو تو مشکلات پیش آتی ہیں، خاص طور پر اگر آپ کے درمیان دوستی، گفتگو کے دلچسپ موضوعات یا ذہنی ہم آہنگی نہ ہو۔
اداکارہ نے کہا کہ ان کے نزدیک وہی رشتہ کامیاب ہوتا ہے جس میں عزت، سمجھوتا اور سچّی دوستی موجود ہو۔ انہوں نے مزید کہا کہ ان کا لائف پارٹنر نہ صرف پڑھا لکھا اور محنتی ہونا چاہیے بلکہ ایسا شخص ہونا چاہیے جو ذہنی سکون دے اور زندگی میں مثبت اثر ڈالے۔
واضح رہے کہ طوبیٰ انور نے 2018 میں معروف ٹی وی میزبان ڈاکٹر عامر لیاقت حسین سے شادی کی تھی، تاہم یہ رشتہ زیادہ دیر برقرار نہ رہ سکا اور 2022 میں انہوں نے خلع لے لی تھی۔
