91
پشاور، صوبہ خیبر پختونخوا کے مشیر اطلاعات بیرسٹر ڈاکٹر سیف کا کہنا ہے کہ جوڈیشل کمیشن کے قیام سے انکار وفاقی حکومت کے غیر جانبدار ہونے کی سب سے بڑی دلیل ہے۔
اپنے بیان میں صوبائی مشیر اطلاعات بیرسٹر سیف نے کہا کہ وفاقی حکومت اب پی ٹی آئی کی جانب سے تحریری مطالبات سامنے آنے کے بعد بھاگنے کی تیاری میں ہے، وفاقی حکومت عدلیہ، میڈیا اور اپوزیشن کا وجود ختم کرنے کیلئے کوششیں کر رہی ہے۔
وفاقی حکومت مذاکرات سے بھاگ کر اپوزیشن کو سڑکوں پر آنے پر مجبور کرے گی۔
بیرسٹر سیف کا کہنا ہے کہ وزیراعظم پاکستان شہباز شریف، گورنر پنجاب کو اسلام آباد میں گھر دیکر سیاسی مورچہ بنا رہے ہیں۔
دوسری جانب عمر ایوب کا کہنا ہے کہ جوڈیشل کمیشن نہ بنا تو اگلے مذاکرات میں نہیں بیٹھیں گے، بانی پی ٹی آئی و سابق وزیراعظم عمران خان کی ہدایات واضح ہیں، جوڈیشل کمیشن نہ بنا تو مذاکرات کا کوئی فائدہ نہیں۔
