غزہ، حماس کی جانب سے غزہ میں عارضی جنگ بندی کی تجاویز کو مسترد کردیا گیا۔
غیر ملکی میڈیا کا کہنا ہے کہ فلسطینی مزاحمتی تنظیم حماس نے مصری صدر اور امریکی حکام کی جانب سے پیش کیجانے والی عارضی جنگ بندی تجاویز کو مسترد کردیا ہے۔
حماس کے سینئر رہنما کا کہنا ہے کہ عارضی طور پر جنگ روکنے کی تجویز کا مقصد صرف بعد ازاں دوبارہ حملے شروع کرنا ہے جس پر ہم پہلے سے ہی اپنا موقف واضح کرچکےہیں۔
رہنما حماس نے کہا کہ حماس عارضی جنگ بندی نہیں بلکہ مستقل جنگ بندی کی حمایت کرتا ہے۔
یاد رہے غزہ میں جنگ بندی کے لیے گزشتہ چند روز سے قطر کی ثالثی میں نئی کوششوں کا آغاز ہوا تھا جس کے بعد مصری صدر اور امریکی ایجنسی سی آئی اے کے ڈائریکٹر کی جانب سے اسرائیل اور حماس کے درمیان جنگ بندی کی تجاویز منظر عام پر آئیں ہیں۔
دوسری جانب لبنانی وزیراعظم نجیب میکاتی کی جانب سے یہ امید ظاہر کی گئی ہے کہ 5 نومبر کو امریکی الیکشنز سے پہلے حزب اللہ اور اسرائیل کے درمیان جنگ بندی کا امکان ہے۔
