جلالپور جٹاں میں چوری اور گروہی تصادم، مقدمات درج

رانیوال کے قبرستان سے نامعلوم چور انجیکٹر پمپ چوری کرکے لے گئے۔ پولیس تھانہ صدر جلالپور جٹاں نے مقدمہ درج کر لیا۔

تھانہ صدر جلالپور جٹاں کے علاقے چیمہ کالونی میں دو پٹھان گروپوں کے درمیان تصادم ہوا، جس میں اسلحے کا آزادانہ استعمال کیا گیا۔ ملزمان سنگین خان، شاہ زیب خان، آصف خان وغیرہ نے اسماعیل خان، پائیندہ خان اور اس کے بھائی پر فائرنگ کی اور انہیں ڈنڈوں اور سوٹوں سے تشدد کا نشانہ بنایا۔ واقعے میں دو افراد زخمی ہو گئے۔ پولیس تھانہ صدر جلالپور جٹاں نے مقدمہ درج کر لیا۔

گوجرانوالہ کے رہائشی پھیری والے کی کپڑوں کی گٹھڑی مالیت پونے دو لاکھ روپے شاہین چوک سے نامعلوم چور چوری کر کے لے گئے پولیس تھانہ شاہین نے مقدمہ درج کر لیا۔