106
جسٹس یحییٰ آفریدی نے پاکستان کے 30 ویں چیف جسٹس کی حیثیت سے حلف اٹھا لیا۔
جسٹس یحییٰ آفریدی نے پاکستان کے 30 ویں چیف جسٹس کی حیثیت سے حلف اٹھا لیا۔ ان کی تقریب حلف برداری اسلام آباد کے ایوان صدر میں منعقد ہوئی، جہاں صدرِ مملکت آصف علی زرداری نے ان سے حلف لیا۔ اس موقع پر اہم سیاسی، عدالتی اور فوجی شخصیات نے شرکت کی۔
تقریب میں وزیرِ اعظم شہباز شریف، تینوں مسلح افواج کے سربراہان، اسپیکر قومی اسمبلی، پنجاب کی وزیرِ اعلیٰ مریم نواز، خیبر پختونخوا کے وزیرِ اعلیٰ علی امین گنڈاپور، گورنر کے پی فیصل کریم، گورنر پنجاب سلیم حیدر، وفاقی وزرا، سپریم کورٹ کی جسٹس عائشہ ملک، اور جسٹس اطہر من اللہ بھی شریک ہوئے۔
جسٹس یحییٰ آفریدی کی تقرری 26 ویں آئینی ترمیم کے نفاذ کے بعد پارلیمنٹ کی خصوصی کمیٹی کی جانب سے کی گئی تھی۔ چیف جسٹس نے اپنے خطاب میں قانون کی حکمرانی اور ریاست کے تین ستونوں کی خودمختاری کو یقینی بنانے کا عزم ظاہر کیا۔
