111
برلن، جرمنی کی جانب سے ملک میں افغان مہاجرین کی موجودگی کو ملکی سلامتی کے لیے خطرہ قرار دے دیا گیا۔
افغان مہاجرین کی غیرقانونی سرگرمیوں کو مدنظر رکھتے ہوئے جرمن حکام کی جانب سے انتباہ جاری کردیا گیا ہے۔
غیر ملکی میڈیا کے مطابق جرمنی کی وزیر داخلہ نینسی فیسر نے پارلیمانی اجلاس میں یہ کہا کہ مجرمانہ کاروائیوں میں ملوث افغان مہاجرین کی واپسی کا منصوبہ جاری رکھیں گے اور اس معاملے میں مزید افراد کو ملک بدر کریں گے۔
افغان مہاجرین کی غیرقانونی سرگرمیاں اندرونی سیکیورٹی اور ملک کی سالمیت کے لیے خطرے کا باعث بن رہی ہیں، جرمنی کی حکومت کی جانب سے افغانستان سے تعلق رکھنے والے 28 مجرموں کو ملک بدر کر دیا گیا ہے۔
یاد رہے کہ جرمنی میں حملے کے بعد جرمن حکام کی جانب سے افغان باشندوں کی بے دخلی شدت اختیار کرچکی ہے۔
جرمنی اور روس میں دہشتگرد حملوں کے بعد بین الااقوامی سطح پر افغان شہریوں کے حوالے سے خدشات ظاہر کیے جا رہے ہیں۔
