43
عدالت نے توہین مذہب کا الزام ثابت ہونے پر 5 مجرمان کو سزائے موت سنا دی۔
راولپنڈی، عدالت نے توہین مذہب کا الزام ثابت ہونے پر 5 مجرمان کو سزائے موت اور عمر قید کی سزا سنا دی۔
راولپنڈی کی سیشن عدالت نے مجرمان کو 295 سی میں سزائے موت اور 10،10 لاکھ روپے جرمانے کی سزا سنائی جبکہ مجرمان کو 295 بی میں عمر قید، 295 اے میں 10،10 سال قید اور ایک لاکھ روپے فی کس جرمانہ بھی کیا۔
عدالت نے مجرمان کو 298 اے میں 3،3 سال قید اور ایک ایک لاکھ روپے جرمانے کی سزا سنائی جبکہ مجرمان کو پیکا ایکٹ کے تحت 7،7 سال قید اورایک ایک لاکھ روپے جرمانے کی سزا بھی سنائی گئی۔
خیال رہے کہ توہین مذہب کا مقدمہ 15 ستمبر 2023 کو سائبر کرائم راولپنڈی سرکل نے درج کیا تھا۔
