84
گھریلو ملازمہ کو چاکلیٹ کھانے پر قتل کرنیوالے میاں بیوی کو عدالت نے جیل بھیج دیا۔
راولپنڈی، گھریلو ملازمہ کو چاکلیٹ کھانے پر تشدد کرکے قتل کرنیوالے میاں بیوی کو عدالت کی جانب سے جیل بھیج دیا گیا۔
گھریلو ملازمہ پر تشدد اور قتل کیس میں سول جج عمران قریشی نے ملزمان میاں بیوی کو 4 روزہ جسمانی ریمانڈ پر جیل بھیج دیا، عدالت کی جانب سے شریک ملزمہ روبینہ نوید کو بھی 27 فروری تک جوڈیشل ریمانڈ پر جیل بھجوا دیا گیا۔
عدالت کی جانب سے شوہر راشد شفیق اور اس کی بیوی ثنا راشد کو اتوار تک جسمانی ریمانڈ پر پولیس کے حوالے کیا گیا۔
اس سے قبل تھانہ بنی پولیس نے تینوں ملزمان کو سخت پہرے میں عدالت پیش کیا تھا، ملزمان نے گھریلو ملازمہ اقرا کو صرف بیٹی کی چاکلیٹ کھانے پر تشدد کر کے قتل کردیا تھا، دوران سماعت عدالت نے حکم دیا کہ ملزمان سے تفتیش مکمل کرکے آلہ قتل برآمد کیا جائے۔
