86
کراچی، کیماڑی میں گھر میں یو پی ایس کی بیٹری پھٹنے سے 5 بہنیں جان کی بازی ہار گئیں۔
پولیس کا کہنا ہے کہ کیماڑی کچھی پاڑہ میں گھر میں یو پی ایس میں آگ لگنے کے بعد بیٹری دھماکے سے پھٹ گئی، جسکے نتیجے میں پورا گھر آگ کی لپیٹ میں آگیا، آگ کی شدت دیکھ کر اہلخانہ نے سلنڈر پھٹنے کا اندازہ لگایا۔
فائر بریگیڈ عملے کے آگ بجھانے کے بعد پولیس کی جانب سے متاثرہ گھر کا مشاہدہ کیا گیا تو گھر میں سلنڈر پھٹنے کے کوئی شواہد نہیں ملے۔
پولیس کا کہنا ہے کہ گھر میں آگ یو پی ایس کی بیٹری پھٹنے سے لگی جس سے 5 بہنیں زخمی ہوئیں جن کی عمریں 3 سے 11 سال کے درمیان ہیں، زخمی بچیوں کو سول اسپتال کے برنس وارڈ میں طبی امداد دی جا رہی ہے جہاں ان کی حالت خطرے سے باہر ہے۔
پولیس کے مطابق زخمی بچیوں میں 3 سال کی عشاء، 5 سال کی علیشا، 7 سال کی مناہل، 9 سال کی تعبیر اور 11 سال کی عائزہ شامل ہیں۔
