101
بھارت کے یوم آزادی کے موقع پر مقبوضہ جموں و کشمیر میں آج یوم سیاہ منایا جا رہا ہے۔
غیر ملکی میڈیا کے مطابق کل جماعتی حریت کانفرنس نے مقبوضہ وادی میں بھارت کے غیر قانونی قبضے کیخلاف یوم سیاہ منائے جانے کی کال دی تھی جس کے پیش نظر آج مقبوضہ وادی میں مکمل ہڑتال اور کاروباری مراکز بند ہیں۔
غیر ملکی میڈیا کے مطابق کشمیری عوام بھارت کو ایک مضبوط پیغام بھیجیں کہ وہ اس کے قبضے کو مکمل طور پر مسترد کرتے ہیں، بھارت مقبوضہ کشمیر میں اپنا یوم آزادی منانے کا قانونی اور اخلاقی حق کھو چکا ہے۔
حریت رہنماؤں کا یہ کہنا تھا کہ کشمیر پر بھارت کا قبضہ عالمی قوانین اور اقوامِ متحدہ کی قراردادوں کی کھلم کھلی خلاف ورزی ہے۔
غیر ملکی میڈیا کے مطابق گزشتہ روز پاکستان کے یوم آزادی کے موقع پر مقبوضہ وادی میں پاکستان کے حق میں پوسٹرز چسپاں کیے گئے اور سبز ہلالی جھنڈے بھی لہرائے گئے۔
