بنگلہ دیش کی عبوری حکومت کی جانب سے کرنسی نوٹوں سے شیخ مجیب کی تصویر ہٹانے کا فیصلہ کیا گیا ہے۔
عوامی انقلاب کے نتیجے میں شیخ حسینہ واجد کی حکومت کا خاتمہ ہوا، جس کے بعد عبوری حکومت کا قیام عمل میں لایا گیا۔
بنگلہ دیش کی عبوری حکومت کی جانب سے مختلف تبدیلیاں کی جا رہی ہیں، عبوری حکومت کی جانب سے شیخ مجیب الرحمان کا دیا گیا نعرہ ”جوئے بنگلہ“ ختم کرنے کا فیصلہ کیا گیا ہے۔
بنگلہ دیشی میڈیا کا بتانا ہے کہ اپیلیٹ ڈویژن کے فیصلے کے بعد جوئے بنگلہ کو اب قومی نعرہ نہیں سمجھا جائے گا، عبوری حکومت کی جانب سے بنگلہ دیشی کرنسی نوٹوں سے شیخ مجیب الرحمان کی تصویر ہٹانے کا بھی فیصلہ کیا گیا ہے۔
بنگلہ دیشی میڈیا کا بتانا ہے کہ جو نئے نوٹ بنگلہ دیش شائع کر رہا ہے ان میں حالیہ انقلاب کی خصوصیات بھی شامل ہیں۔
دوسری جانب روسی دارالحکومت ماسکو میں ہونیوالے ایک بم دھماکے میں روسی فوج کے نیوکلیئر، بائیولوجیکل اور کیمیکل پروٹیکشن فورسز کے چیف لیفٹیننٹ جنرل ایگور کری لوف جان کی بازی ہار گئے۔
