132
بنگلہ دیشی آل راؤنڈر شکیب الحسن کیخلاف قتل کا مقدمہ درج کرلیا گیا ہے۔
بنگلا دیش کے اسٹار کرکٹ آل راؤنڈر اور عوامی لیگ کے سابق رکن اسمبلی شکیب الحسن پر ڈھاکا میں قتل کا مقدمہ درج کر لیا گیا ہے۔
غیر ملکی میڈیا کا کہنا ہے کہ آل راؤنڈر شکیب الحسن کیخلاف ڈھاکا میں گارمنٹس فیکٹری کے ملازم کے قتل کا الزام عائد کیا گیا ہے، مقتول کے والد کی جانب سے ڈھاکا کے تھانے میں شکیب الحسن کے خلاف قتل کا مقدمہ درج کرایا گیا ہے۔
غیر ملکی میڈیا کے مطابق آل راؤنڈر شکیب الحسن کو سابق وزیراعظم شیخ حسینہ کے ساتھ مقدمہ قتل میں نامزد کیا گیا ہے۔
واضح رہے کہ سابق وزیراعظم شیخ حسینہ واجد 5 اگست کو طلبا احتجاج کی وجہ سے وزارت عظمیٰ سے استعفیٰ دیکر بھارت فرار ہو گئی تھیں جہاں وہ اب تک قیام پزیر ہیں جبکہ بنگلہ دیشی آل راؤنڈر شکیب الحسن پاکستان کیخلاف راولپنڈی ٹیسٹ میں اپنی قومی ٹیم کی نمائندگی کر رہے ہیں۔
