برطانیہ کی ایک ٹیکنالوجی کمپنی نے فضائی ٹیکسی بنائی ہے جو مانچسٹر سے لِیڈز تک کا فاصلہ ریکارڈ وقت میں طے کر سکتی ہے۔
برطانیہ کی ٹیکنالوجی کمپنی "ورٹیکل ایرو اسپیس” نے ایک فضائی ٹیکسی تیار کی ہے جو مختصر فاصلے پر شہری ٹریفک سے بچنے کے لیے موزوں ہے۔ یہ مکمل برقی ایئرکرافٹ "وی ایکس 4” کہلاتا ہے اور مانچسٹر سے لیڈز جیسی دوری کو تیزی سے طے کرنے کے قابل ہے۔ وی ایکس 4 کا ڈیزائن بظاہر ہیلی کاپٹر اور جیٹ طیارے کا امتزاج دکھائی دیتا ہے، مگر تکنیکی طور پر یہ ایک مکمل جدید ایئرکرافٹ ہے، جو عمودی ٹیک آف اور لینڈنگ کرنے کی خصوصیت رکھتا ہے، یعنی یہ ای وی ٹی او ایل (eVTOL) ٹیکنالوجی پر مبنی ہے۔
کمپنی کے چیف ٹیکنالوجی آفیسر مائیکل سروینکا کا کہنا ہے کہ ایوی ایشن انڈسٹری اس وقت ایک دلچسپ دور سے گزر رہی ہے، جہاں جیٹ دور کے بعد حفاظتی اور کارکردگی کے معیارات میں بڑی تبدیلیاں دیکھنے میں آرہی ہیں۔
انہوں نے مزید کہا کہ ورٹیکل ایرو اسپیس کا مقصد شہروں کے اندر مسافروں کو ٹریفک کے مسائل سے بچاتے ہوئے کم وقت میں ایک جگہ سے دوسری جگہ پہنچانا ہے۔
