صدر مملکت آصف علی زرداری اور سابق وزیر اعظم بینظیر بھٹو شہید کی بڑی صاحبزادی بختاور بھٹو زرداری کے ہاں تیسرے بیٹے کی پیدائش ہوئی ہے۔
صدر مملکت آصف علی زرداری کی بڑی صاحبزادی بختاور بھٹو زرداری کے ہاں تیسرے بیٹے کی پیدائش پر سیاسی، سماجی، اور شوبز شخصیات نے انہیں دل کی گہرائیوں سے مبارک باد دی ہے۔ بختاور بھٹو زرداری کے ہاں تیسرے بیٹے کی پیدائش 20 اکتوبر کو ہوئی، جس کی اطلاع انہوں نے اور ان کے شوہر محمود چوہدری نے سوشل میڈیا پر دی۔
دلچسپ بات یہ ہے کہ بختاور بھٹو کے پہلے دونوں بیٹوں کی پیدائش بھی اکتوبر میں ہی ہوئی تھی۔ پہلے بیٹے میر حاکم زرداری 10 اکتوبر 2021 کو اور دوسرے بیٹے میر سجاول زرداری 6 اکتوبر 2022 کو پیدا ہوئے تھے۔ یہ خوشخبری سن کر پیپلز پارٹی کے چیئرمین بلاول بھٹو زرداری ایک بار پھر "ماموں” بن گئے ہیں۔ سیاسی حلقوں اور شوبز انڈسٹری کے افراد نے خوشی کا اظہار کرتے ہوئے نیک تمنائیں اور مبارک باد کے پیغامات دیے ہیں۔
بختاور بھٹو زرداری اور محمود چوہدری نے 31 جنوری 2021 کو شادی کی تھی، اور اب وہ تین بچوں کے والدین بن چکے ہیں۔ ان کی خوشی میں شریک ہونے والے متعدد لوگوں نے ان کے خاندان کے لیے خوشی و محبت کی دعائیں کیں اور نیک خواہشات کا اظہار کیا۔
View this post on Instagram
