50
راولپنڈی، بانی پی ٹی آئی سے ملاقات کے معاملے پر جیل حکام نے منگل اور جمعرات کو ملاقات کے لیے آنے والے افراد کی فہرستیں قبول نہیں کیں۔
نعیم پنجوتھہ نے بتایا کہ اڈیالہ جیل کے گیٹ نمبر 5 پر ایک گھنٹے سے زائد انتظار کے باوجود سپرنٹنڈنٹ جیل سے ملاقات نہیں کرائی گئی۔
ان کا کہنا تھا کہ منگل اور جمعرات کو ہماری فراہم کردہ فہرستوں کے مطابق لوگ ملاقات کے لیے آئیں گے، مگر جیل حکام نے تاحال ان فہرستوں کو تسلیم نہیں کیا۔
نعیم پنجوتھہ نے مزید کہا کہ یہ فہرستیں بذریعہ ڈاک بھی ارسال کر دی گئی ہیں اور وہ عدالتی فیصلے کے بعد جیل پہنچے تھے، مگر انہیں ملاقات کی اجازت نہیں دی گئی۔
دوسری جانب قومی اسمبلی کے اجلاسوں میں وزراء کی غیر حاضری پرڈپٹی اسپیکر سید غلام مصطفیٰ شاہ نے وزیراعظم شہباز شریف اور وفاقی وزیر برائے پارلیمانی امور طارق فضل چوہدری کو خط ارسال کر دیا۔
