جلالپور، اسسٹنٹ کمشنر گجرات بلال زبیر نے گورنمنٹ پرائمری سکول جوڑا جلالپور کا اچانک دورہ کیا۔
ڈپٹی کمشنر صفدر حسین ورک کی ہدایات پر عمل کرتے ہوئے اسسٹنٹ کمشنر گجرات بلال زبیر نے گورنمنٹ پرائمری سکول جوڑا جلالپور کا اچانک دورہ کیا۔ دورے کے دوران، انہوں نے ہیڈ ٹیچر کی غیر حاضری کا نوٹس لیتے ہوئے متعلقہ اتھارٹی کو کارروائی کرنے کے لیے آگاہ کیا۔
اسسٹنٹ کمشنر نے اسکول کی صفائی اور دیگر سہولیات کا جائزہ لیا اور واش روم کی صفائی میں بہتری لانے کی سخت ہدایات دیں۔
انہوں نے سکول کے لان کو درست کرنے اور صفائی اور حاضری کو یقینی بنانے کے لیے ضروری ہدایات بھی دیں۔
طلباء کی تعلیمی سرگرمیوں کا معائنہ کرتے ہوئے، انہوں نے بچوں کی کاپیوں کی چیکنگ کی اور اساتذہ سے نصابی سرگرمیوں کے بارے میں پوچھا۔
اسسٹنٹ کمشنر نے اساتذہ کو ہدایت دی کہ وہ بچوں کی تعلیمی سرگرمیوں پر زیادہ توجہ دیں اور اسکول میں صفائی اور دیگر انتظامی امور کو بہتر بنانے کے لیے فوری اقدامات کریں۔
