133
کراچی ائیرپورٹ پر اینٹی نارکوٹکس فورس (اے این ایف) کا تربیت یافتہ کتا گولی لگنے سے اپنی جان گنوا بیٹھا۔
ائیرپورٹ ذرائع کا کہنا ہے کہ سی اے اے کے شوٹر نے فائرنگ کرکے اینٹی نارکوٹکس فورس کا تربیت یافتہ کتا مار ڈالا۔
ائیرپورٹ ذرائع کا کہنا ہے کہ اے این ایف کا کتا عملے کی غفلت کے باعث اپنے پنجرے سے نکل کر رن وے پر آگیا تھا، بعد میں کتا طیاروں کی پارکنگ میں گھومتا ہوا پایا گیا تھا۔
ذرائع کے مطابق کتے کو ائیرپورٹ پر تعینات سی اے اے کے برڈ شوٹر نے عام کتا سمجھ کرشوٹ کیا ہے، طیارے کی پارکنگ کے وقت کنٹرول ٹاور کے آگاہ کرنے پر شوٹر کی جانب سے کتے پر فائرنگ کی گئی تھی۔
ذرائع کا کہنا ہے کہ کتا طیاروں اور مسافروں کے سامان میں منشیات کا سراغ لگانے کیلئے تربیت یافتہ تھا۔
ذرائع کا کہنا ہے کہ سی اے اے اور اے این ایف حکام کی جانب سے معاملے کی تحقیقات شروع کردی گئیں ہیں۔
