120
ایف آئی اے نے ویزہ فراڈ میں ملوث 3 افراد کو گرفتار کرلیا ہے۔
فیصل آباد، فیڈرل انویسٹیگیشن ایجنسی (ایف آئی اے) کی جانب سے سول لائن میں ٹریول کمپنی کے دفتر پر چھاپہ مار کارروائی کی گئی ہے۔
ایف آئی اے کے مطابق فیصل آباد میں ہونیوالی چھاپہ مار کارروائی میں انسانی اسمگلنگ اور ویزہ فراڈ میں ملوث 3 افراد کو حراست میں لیا گیا ہے۔
ترجمان ایف آئی اے کے مطابق ملزمان سے 38 پاکستانی پاسپورٹ اور 33 شناختی کارڈ برآمد کر لیے گئے ہیں۔
ترجمان کے مطابق ملزمان سے مختلف ممالک کے سفری دستاویزات اور 120 بینک ڈیپازٹ سلپس بھی برآمد ہوئی ہیں۔
زیر حراست ملزمان بغیر لائسنس شہریوں سے پاسپورٹ وصول کر رہے تھے۔
