34 ایران نے کہا ہے کہ امریکا کے ساتھ ممکنہ بات چیت کا عمل صدارتی سطح پر نہیں بلکہ وزارتِ خارجہ کی سطح پر ہوگا، ایرانی وزیر خارجہ عباس عراقچی نے امریکی صدر ڈونلڈ ٹرمپ کے براہِ راست مذاکرات سے متعلق دعوے کو مسترد کرتے ہوئے کہا کہ ایران کو بات چیت میں کوئی جلدی نہیں۔
ایران نے کہا ہے کہ امریکا کے ساتھ ممکنہ بات چیت کا عمل صدارتی سطح پر نہیں بلکہ وزارتِ خارجہ کی سطح پر ہوگا، ایرانی وزیر خارجہ عباس عراقچی نے امریکی صدر ڈونلڈ ٹرمپ کے براہِ راست مذاکرات سے متعلق دعوے کو مسترد کرتے ہوئے کہا کہ ایران کو بات چیت میں کوئی جلدی نہیں۔
انہوں نے کہا کہ اب گیند امریکا کے کورٹ میں ہے، اور ایران کی پیشکش پر ردِعمل امریکا کو دینا ہے، اگر کسی دوست اسلامی ملک کی جانب سے کوئی تجویز آئے تو اس پر بات چیت کی گنجائش موجود ہے۔
عباس عراقچی نے واضح کیا کہ ایران، عمان کی ثالثی میں بالواسطہ مذاکرات پر آمادہ ہے، تاہم براہِ راست اور اعلیٰ سطحی رابطوں کی کوئی تجویز زیرِ غور نہیں۔
دوسری جانب امریکی صدر ڈونلڈ ٹرمپ نے کہا کہ جان بوجھ کر سٹاک مارکیٹ میں اتارچڑھاؤ پیدا نہیں کیا۔
امریکی صدر ڈونلڈ ٹرمپ نے میڈیا سے گفتگوکرتے ہوئے کہا کہ امریکا کی گزشتہ بے وقوف قیادت کو دنیا نے بری طرح استعمال کیا، کسی چیز کودرست کرنے کیلئے دوا لینا پڑتی ہے، ٹیرف سے اربوں ڈالر امریکا لارہے ہیں۔
