126
برلن، امریکی صدر جوبائیڈن کا کہنا ہے کہ ایران اور اسرائیل کے درمیان جنگ کے امکان کو روکا جا سکتا ہے۔
غیر ملکی میڈیا کے مطابق امریکی صدر جوبائیڈن نے برلن میں جرمنی، فرانس اور برطانوی قیادت سے ملاقات کے بعد میڈیا سے گفتگو کے دوران یہ کہا کہ اسرائیل اور ایران کیساتھ اس طرح سے نمٹ سکتے ہیں کہ حالیہ تنازع کچھ دیر کیلئے ختم ہوجائے اور اس کے امکانات موجود ہیں۔
جوبائیڈن کا کہنا تھا کہ میرے ساتھی اس پر اتفاق کرتے ہیں کہ لبنان میں جنگ بندی کے لیے کام کرنا ممکن ہے لیکن غزہ میں یہ مشکل ہے۔
امریکی صدر کے مطابق ایران اور اسرائیل کے درمیان جنگ کے امکان کو روکا جا سکتا ہے اور ہم اس بات سے متفق ہیں۔
واضح رہے کہ 2 روز پہلے خبر سامنے آئی تھی کہ ایران پر حملے کے جواب میں فلسطینی حامی گروپوں کے حملے روکنے کیلئے اسرائیل امریکہ حکمت عملی تیار کر لی گئی۔
غیر ملکی میڈیا کے مطابق اسرائیل حملے میں ایران کی فوجی اور انرجی تنصیبات کو نشانہ بنائے گا۔
