93
واشنگٹن، نومنتخب امریکی صدر ٹرمپ کا کہنا ہے کہ 20 جنوری کی تقریب حلف برداری سے پہلے یرغمالی رہا نہ کئے گئے تو مشرق وسطیٰ کو قیمت چکانا ہوگی۔
ڈونلڈ ٹرمپ نے اپنے ایک بیان کہا کہ وہ لوگ جنہوں نے انسانیت کے خلاف ان مظالم کا ارتکاب کیا، انہیں اسکی قیمت ادا کرنا ہوگی۔ نومنتخب امریکی صدر کا کہنا تھا کہ اس سب کے ذمہ داروں کو ایسا سبق دیا جائے گا جیسا پہلے کبھی امریکی تاریخ میں نہیں دیا گیا، یرغمالیوں کو فوری رہا کیا جائے۔
واضح رہے کہ حماس کے مطابق غزہ میں اسرائیل کی 14 ماہ کی جنگ میں 33 یرغمالی ہلاک اور کچھ لاپتا ہوچکے ہیں۔
حماس کے مطابق اسرائیل اپنی احمقانہ جنگ سے یرغمالیوں کو ہمیشہ کے لئے کھو سکتا ہے، حماس نے کہا کہ اسرائیل کو یرغمالیوں کے لئے جو کچھ کرنا ہے کرلے اس سے پہلے کہ بہت دیر ہوجائے۔
