برطانیہ کے خلاف دوسرے ٹیسٹ کے لیے پاکستانی ٹیم کا اعلان کردیا گیا۔
پاکستان کی پلیئنگ الیون میں 1 کھلاڑی کا ڈیبیو ہوگا جب کہ اس بار 3 اسپنرز شامل کیے گئے ہیں۔ دوسرے ٹیسٹ کے لیے اعلان کردہ ٹیم میں نعمان علی، ساجد خان اور زاہد محمود ٹیم کا حصہ ہونگے۔
علاوہ ازیں عامر جمال، صائم ایوب، عبداللہ شفیق، شان مسعود، سعود شکیل، محمد رضوان، سلمان علی آغا پلیئنگ الیون کا حصہ ہیں، ٹیم میں کامران غلام کو بھی شامل کیا گیا، جو برطانیہ کے خلاف ڈیبیو ٹیسٹ کھیلیں گے۔
کرکٹ ٹیم میں سے بابر اعظم، شاہین شاہ آفریدی اور نسیم شاہ کو ڈراپ کیا گیا ہے۔
یاد رہے کہ انگلینڈ کے اسکواڈ میں زیک کرالی، بین ڈکٹ، اولی پوپ، جو روٹ، ہیری بروک، بین اسٹوکس، جیمی اسمتھ، برائیڈن کارس، جیک لیچ اور شعیب بشیر کو شامل کیا گیا ہے۔
پاکستان اور انگلینڈ کے درمیان 3 ٹیسٹ میچوں کی سیریز کا دوسرا میچ 15 اکتوبر سے ملتان میں شروع ہو گا، پہلے ٹیسٹ میچ میں انگلینڈ کی جانب سے پاکستان کو 1 اننگز اور 47 رنز سے تاریخی شکست دی تھی۔
