انگریزی پر عبور نہ ہونے کی وجہ سے تنقید کرنے والوں کو محمد رضوان کا واضح جواب

انگریزی زبان پر عبور نہ ہونے کی وجہ سے تنقید کی زد میں رہنے والے پاکستانی کھلاڑی محمد رضوان نے بالآخر خاموشی توڑ دی۔

پاکستان کے وائٹ بال کپتان محمد رضوان کا شمار پاکستان کے ان کھلاڑیوں میں ہوتا ہے جن کا انگریزی زبان پر عبور نہیں ہے۔ اسی وجہ سے محمد رضوان کو میڈیا اور سوشل میڈیا پر کافی تنقید کا سامنا ہے تاہم انہوں نے میڈیا پر ہونے والی تنقید کا جواب دیتے ہوئے کہا کہ ان کی توجہ انگریزی زبان پر عبور حاصل کرنے کے بجائے کرکٹ میں پرفارمنس بہتر کرنے پر ہوتی ہے۔

انہوں نے واضح کیا کہ پاکستانیوں کو میری کرکٹ کی ضرورت ہے نہ کے میری انگریزی کی۔ لیکن میری خواہش ہے کہ میں اپنی تعلیم مکمل کرتا جس کی وجہ سے میری انگریزی بہتر ہوتی لیکن مجھے یہ کہتے ہوئے کوئی شرمندگی نہیں کہ پاکستان کے کپتان کے طور پر بھی صحیح انگریزی نہیں بول سکتا۔

انہوں نے کہا کہ مجھے اپنے کھیل سے ملک کی نمائندگی کرنے کی زیادہ فکر ہے۔