امریکی لاما کو دنیا کا معمر ترین لاما قرار دیدیا گیا۔
امریکا کے شمالی کیرولائنا سے تعلق رکھنے والے لاما کو 27 سال اور 250 دن کی عمر میں دنیا کا معمر ترین لاما قرار دیدیا گیا ہے۔
وہ لاما جو 2006 سے رینڈل مین میں سنگین بیماریوں اور دائمی طبی حالات کے شکار بچوں کے وکٹری جنکشن کیمپ میں مقیم ہے، کو سرکاری طور پر گنیز ورلڈ ریکارڈز کیطرف سے اب تک کا زیر کفالت معمر ترین لاما کا درجہ قرار دیا گیا ہے۔
وکٹری جنکشن کے بارن ڈائریکٹر کی جانب سے گنیز ورلڈ ریکارڈ کو بتایا گیا کہ لاما جس کا نام وائٹ ٹاپ ہے، ہمارے کیمپرز کے ساتھ اتنا اچھا ہے کہ جیسے ہی ہمارے کیمپ کے دن شروع ہوتے ہیں، وہ لیٹ جاتا ہے اور دوپہر کے کھانے تک نہیں اٹھتا۔
ڈائریکٹر کے مطابق وہ صرف وہیں لیٹے رہتا ہے اور وہ بچوں کو اس کے پاس بھاگنے اور اس سے پیار کرنے دیتا ہے، وہ اسے اپنا کام سمجھتا ہے اور یہ واقعی اس کا کام ہے۔
وائٹ ٹاپ اپنا دن کیمپ میں بچوں کے علاوہ 9 گھوڑے، 2 بکرے، 2 خرگوش، 2 گدھے اور ایک گائے کے ساتھ گزارتا ہے۔
