امریکی عدالت کا فیصلہ ہے کہ یرغمالی ماحول بھی ہراسگی کی تعریف میں آتا ہے، سپریم کورٹ

اسلام آباد، سپریم کورٹ کے سینئر ترین جج جسٹس منصور علی شاہ کی جانب سے ہراسگی سے متعلق کیس میں فیصلہ سناتے ہوئے کہا گیا کہ ورک پلیس پر ہراسگی عالمی مسئلہ ہے۔

سپریم کورٹ کی جانب سے ہراسگی کیس میں لاہور ہائیکورٹ کے فیصلے پر ڈرائیور محمد دین کی اپیل مسترد کردی گئی۔

یہ بھی پڑھیں

لیڈی ڈاکٹر نے اپنے ڈرائیور کے خلاف ہراسگی کے معاملے پر پنجاب محتسب سے رجوع کیا تھا، محتسب کی جانب سے ڈرائیور کو جبری ریٹائرمنٹ کی سزا دی گئی تھی۔

گورنر پنجاب اور لاہور ہائیکورٹ بھی جبری ریٹائرمنٹ کے خلاف ڈرائیور کی درخواست مسترد کر چکے ہیں۔

جسٹس منصور علی شاہ کا کہنا ہے کہ لاکھوں لوگ ورک پلیس ہراسگی سے متاثر ہوتے ہیں، مردوں کے مقابلے میں خواتین زیادہ ہراسگی کا شکار ہوتی ہیں۔

سپریم کورٹ کے سینئر جج نے کہا کہ گلوبل جینڈر گیپ انڈیکس 2024 کے مطابق دنیا کے 146 ممالک میں پاکستان کا 145 واں نمبرہے، امریکی سپریم کورٹ کا فیصلہ ہے کہ یرغمالی ماحول بھی ہراسگی کی تعریف میں آتا ہے۔

شیئر کریں: