امریکی صدر ڈونلڈ ٹرمپ نے تیل اور گیس پر 18 فروری سے ٹیرف عائد کرنے کا اعلان کر دیا۔
واشنگٹن، امریکی صدر ڈونلڈ ٹرمپ کی جانب سے تیل اور گیس پر 18 فروری سے ٹیرف عائد کرنے کا اعلان کر دیا گیا۔
امریکی صدر ڈونلڈ ٹرمپ نے واشنگٹن میں صحافیوں سے گفتگو کے دوران کہا کہ سٹیل، المونیم اور تانبے پر بھی ٹیرف لاگو ہوگا، یورپی یونین پر بھی ٹیرف لاگو کریں گے، ٹیرف کے نفاذ سے قلیل مدتی خلل پڑ سکتا ہے، ٹیرف کے نفاذ سے مارکیٹ کے ردعمل پر تشویش نہیں، روسی صدر سے بات کریں گے، کچھ اہم اقدامات کیلئے پرامید ہیں۔
ڈونلڈ ٹرمپ کا کہنا ہے کہ روس کیساتھ سنجیدہ بات چیت چل رہی ہے، بائیڈن انتطامیہ کی جانب سے سرکاری اداروں کو کرپٹ کیاگیا، بائیڈن دور میں وفاقی ملازم گھر بیٹھ کر تنخواہیں وصول کر رہے تھے،1 ٹریلین ڈالر کے غیر ضروری اخراجات کی کٹوتی کی جا رہی ہے۔
امریکی صدر کی جانب سے دو ٹوک مؤقف اختیار کرتے ہوئے کہا گیا کہ کینیڈا کا رویہ اچھا نہیں رہا، ٹیرف کے نفاذ پر کینیڈا، میکسیکو اور چین کچھ نہیں کرسکتے۔
یاد رہے کہ اس سے پہلے وائٹ ہاؤس نے یکم فروری سے میکسیکو اور کینیڈا پر25 اور چین پر 10 فیصد ٹیرف عائد کرنے کا اعلان کیا تھا۔
