85
امریکہ کے شکاری رونالڈ جوویٹ نے چترال میں کشمیری مارخور کا شکار کرلیا۔
حکام کا کہنا ہے کہ مارخور کے شکار کے لیے امریکی شکاری نے اکتوبر میں پاکستانی تاریخ کی سب بڑی بولی دی تھی جس میں اس نے 2 لاکھ 71 ہزار ڈالرز میں پرمٹ حاصل کیا تھا۔
دوسری جانب ڈویژنل آفیسر وائلڈ لائف کی جانب سے امریکی شکاری کے چترال میں کشمیری مارخور کے شکار کی تصدیق کردی گئی ہے۔
ڈویژنل آفیسر وائلڈ لائف فاروق نبی کا کہنا ہے کہ امریکی شکاری رونالڈ جوویٹ نے پاکستان کے قومی جانور مارخور کا شکار چترال میں تھوشی شاشا کنزروینسی کے مقام پر کیا۔
شکار کیے گئے کشمیری مارخور کی عمر 11 سال جب کہ سینگ کی لمبائی 49 انچ سے زیادہ ہے۔
