امریکی خاتون نے دنیا کا سب سے بڑے مُنہ کھولنے کا عالمی ریکارڈ اپنے نام کر لیا۔
غیر ملکی میڈیا کے مطابق، ریاست الاسکا سے تعلق رکھنے والی خاتون کا نام میری پرل زیلمر رابنسن ہے، جو اپنے غیر معمولی بڑے مُنہ کی وجہ سے عالمی توجہ کا مرکز بنی ہوئی ہیں۔
رپورٹس کے مطابق خاتون اپنے مُنہ کو 7.23 سینٹی میٹر سے 7.33 سینٹی میٹر تک کھول سکتی ہیں، جبکہ اس سے پہلے یہ ریکارڈ رامسڈیل نامی شخص کے پاس تھا، جو اپنا مُنہ 6.52 سینٹی میٹر تک کھول سکتا تھا۔
خاتون نے ایک انٹرویو میں بتایا کہ وہ سات بہن بھائی ہیں اور بچپن میں مالٹا اور لائٹ بلب اپنے مُنہ میں ڈال کر دوسروں کو تنگ کیا کرتی تھیں۔
انہوں نے مزید کہا کہ وہ اپنی اس غیر معمولی صلاحیت سے واقف تھیں، لیکن کبھی اس پر زیادہ دھیان نہیں دیا، تاہم جب انہیں یہ علم ہوا کہ دنیا کا سب سے بڑا مُنہ کھولنے کا عالمی ریکارڈ بھی موجود ہے، تو انہوں نے اسے توڑنے کا فیصلہ کیا اور اپنے نام کو گنیز ورلڈ ریکارڈز میں شامل کروا لیا۔
