97
امریکا کی جانب سے طویل فاصلے تک مار کرنے والے بیلسٹک میزائلوں کی تیاری سے متعلق پاکستان کے 4 اداروں پر پابندی لگانے کا اعلان کردیا گیا۔
واشنگٹن میں پریس بریفنگ دیتے ہوئے امریکی ترجمان محکمہ خارجہ میتھیوملر کا کہنا ہے کہ 4 پاکستانی اداروں پر الزام ہے کہ انہوں نے پاکستان کے بیلسٹک میزائل پروگرام کو آگے بڑھانے میں مدد دی ہے۔
میتھیو ملر کا کہنا تھا کہ اس مدد میں خصوصی وہیکل چیسز کی تیاری بھی شامل ہے جو بیلسٹک میزائلوں کی لانچنگ کیلئے استعمال کیے جاتے ہیں، اس کے علاوہ کراچی کے 3 اداروں کی بھی نشاندہی کی گئی ہے۔
ترجمان کا کہنا ہے کہ تباہی پھیلانے والے ہتھیاروں یا ان کی ترسیل کے ذرائع پر کارروائی کی جائے گی۔
امریکی پابندیوں کا شکار ہونیوالے پاکستانی اداروں میں اسلام آباد کا نیشنل ڈیولپمنٹ کمپلیکس اور کراچی میں قائم 3 ادارے اختر اینڈ سن، ایفیلی ایٹس انٹرنیشنل اور روک سائیڈ انٹرپرائیزز شامل ہیں۔
