سابق امریکی صدر ڈونلڈ ٹرمپ نے نیا ’گولڈ کارڈ‘ ویزا متعارف کرایا ہے، جس کی قیمت 50 لاکھ امریکی ڈالر رکھی گئی ہے۔
عالمی خبر رساں ادارے کے مطابق، ڈونلڈ ٹرمپ نے صحافیوں سے گفتگو کے دوران اس خصوصی رہائشی اجازت نامے، جسے "دی ٹرمپ کارڈ” کا نام دیا گیا ہے، کی رونمائی کی۔ انہوں نے کہا کہ وہ خود اس کارڈ کے پہلے خریدار ہیں۔
ٹرمپ نے وضاحت کی کہ یہ خصوصی ویزا کارڈ دو ہفتوں کے اندر عوام کے لیے دستیاب ہوگا۔ درحقیقت، یہ گرین کارڈ کا ایک مہنگا ورژن ہے، جو سرمایہ کاروں، کاروباری شخصیات اور روزگار کے مواقع پیدا کرنے والوں کو امریکا آنے کی ترغیب دینے کے لیے متعارف کرایا گیا ہے۔
انہوں نے مزید کہا کہ 50 لاکھ ڈالر کی لاگت والا یہ گولڈن ریذیڈنسی کارڈ امریکا کے قومی خسارے کو کم کرنے میں مددگار ثابت ہو سکتا ہے اور امریکی شہریت حاصل کرنے کا ایک تیز، آسان اور جدید راستہ فراہم کرے گا۔
جب ان سے پوچھا گیا کہ آیا روسی ارب پتی (اولیگارکس) بھی اس کارڈ کے لیے اہل ہوں گے، تو ٹرمپ نے کہا کہ اس امکان کو مسترد نہیں کیا جا سکتا۔
