77
پاکستان کی جانب سے اقوام متحدہ میں دنیا سے دہشت گرد تنظیموں کے خلاف کارروائی کا مطالبہ کردیا گیا۔
پاکستان نے اقوام متحدہ کی سلامتی کونسل میں افغانستان سے ٹی ٹی پی مجید بریگیڈ کی دہشت گردی کے خطرات کے خلاف عالمی اقدام کا مطالبہ کیا ہے۔
سلامتی کونسل میں پاکستان کے مستقل مندوب منیر اکرم کی جانب سے بریفنگ دیتے ہوئے ملک کے اندر داعش کی بھرتی کا الزام بھی سختی سے مسترد کیا گیا۔
منیر اکرم کا کہنا ہے کہ داعش کا خطرہ خطے سے آگے تک پھیل چکا ہے، داعش کے خطرے کا ذکر تو ہے مگر پاکستان کو لاحق خطرات کا ذکر کیوں نہیں۔
منیر اکرم کی جانب سے انسداد دہشت گردی حکمت عملی پر بہترعمل کیلئے جنرل اسمبلی کو ذیلی ادارہ بنانے کی تجویز بھی دی گئی۔
یاد رہے کہ اقوام متحدہ، خصوصی ایجنسیوں اور منسلک تنظیموں پر مشتمل ایک نظام ہے۔
