آسٹریلوی کرکٹر اسٹیو اسمتھ کا کہنا ہے کہ وہ کھیل کو انجوائے کررہے ہیں، ان کا ریٹائرمنٹ کا کوئی ارادہ نہیں۔
میلبورن، سابق آسٹریلوی کپتان اسٹیو اسمتھ کا یہ کہنا ہے کہ فی الحال ان کا ریٹائرمنٹ کا کوئی ارادہ نہیں ہے۔
اسٹیو اسمتھ کا کہنا ہے کہ میں اس وقت کھیل سے لطف اندوز ہو رہا ہوں اور آنے والے سیزن کا انتظار کررہا ہوں، بھارت کے خلاف ٹیسٹ سیریز میرے لیے ایک چیلنج ہوگی کیونکہ وہ ایک بہت اچھی ٹیم ہے۔
اسٹیواسمتھ نے کہا کہ میرے خیال کے مطابق دنیا کی 2 بہترین ٹیسٹ ٹیموں کے درمیان مقابلہ ہونے جا رہا ہے، ٹیسٹ میں اوپننگ جاری رکھنے کے متعلق ابھی گفتگو ہوگی جب کہ ابھی ہم ون ڈے میچز کھیلنے انگلینڈ جا رہے ہیں اس پر پھر بات ہو گی۔
آسٹریلوی کرکٹر کا مزید یہ کہنا تھا کہ میں کسی بھی نمبر پر کھیلنے کے لیے تیار ہوں۔
واضح رہے کہ ٹی ٹونٹی ورلڈ کپ سے ڈراپ ہونے اور ٹیسٹ کرکٹ میں فلاپ ہونے پر اسٹیو اسمتھ کے ریٹائر ہونے کی خبریں زیر گردش ہیں۔
یاد رہے کہ اسٹیو اسمتھ آسٹریلوی ٹیم کے مایہ ناز آل راؤنڈر ہیں، انہوں نے اپنی ٹیم کو کئی مرتبہ مشکل حالات سے نکال کر جیت دلائی ہے۔
