102
غزہ میں اسرائیلی فوج نے بے گھر فلسطینیوں کے خیموں پر ڈرون حملہ کیا۔
غیر ملکی میڈیا کے مطابق اسرائیلی فورسز نے نہ صرف بے گھر افراد کے خیموں کو نشانہ بنایا بلکہ مفت کھانے کی تقسیم کے مرکز پر بھی بمباری کی، جس کے نتیجے میں 13 فلسطینی شہید اور متعدد زخمی ہو گئے۔
جبالیہ میں اسرائیلی فضائی حملے میں حماس کے ترجمان عبداللطیف بھی شہید ہو گئے۔
رپورٹس کے مطابق اسرائیل کی تازہ ترین بمباری کے باعث ایک لاکھ 42 ہزار فلسطینیوں کو نقل مکانی پر مجبور ہونا پڑا ہے۔
یاد رہے کہ 7 اکتوبر 2023 سے جاری اسرائیلی حملوں میں اب تک شہید ہونے والے فلسطینیوں کی تعداد 50 ہزار سے تجاوز کر چکی ہے۔
