اسرائیلی وزیراعظم نیتن یاہو نے ایران پر جوابی حملے کی منظوری دیدی۔
یروشلم ، اسرائیلی وزیراعظم کی جانب سے ایران پر جوابی حملے کے اہداف کی منظوری دے دی گئی۔
اسرائیلی ذرائع کے مطابق وزیراعظم نیتن یاہو نے ایران کے کیے گئے میزائل حملوں کے جواب میں اسرائیلی کارروائی کیلئے ایرانی اہداف کی منظوری دیدی ہے۔
غیر ملکی میڈیا رپورٹس میں یہ دعویٰ کیا گیا کہ مخصوص اہداف کی تفصیلات نہیں بتائی گئیں اور نہ ہی یہ بات واضح کی گئی ہے کہ اسرائیل فوجی اہداف کو نشانہ بنائے گا یا نہیں۔
غیر ملکی میڈیا کے مطابق متوقع اسرائیلی کارروائی کے آغاز کے لیے کوئی وقت مقرر نہیں کیا گیا۔
یاد رہے کہ ایران نے یکم اکتوبر کو اسرائیل پر سینکڑوں بیلسٹک میزائل فائر کیے تھے جس کے بعد مقبوضہ بیت المقدس سمیت اسرائیل بھر میں سائرن بجنے لگ پڑے۔
اسکے بعد ایرانی میزائل حملوں کے ممکنہ اسرائیلی ردعمل سے متعلق گفتگو کرتے ہوئے اسرائیلی وزیر دفاع نے کہا کہ ایران کے میزائل حملے جارحانہ تھے لیکن نشانہ درست نہ ہونے سے ناکام ہوئے۔
