تل ابیب، اسرائیلی فوج کی جانب سے 7 اکتوبر کو حماس کے ہاتھوں اغوا کیے جانے والے 6 مغویوں کی لاشوں کو ایک آپریشن میں بازیاب کرنے کا دعویٰ کیا گیا ہے۔
غیر ملکی میڈیا کا کہنا ہے کہ ترجمان اسرائیلی فوج کے بیان کے مطابق 6 مغویوں کی لاشوں کو خان یونس شہر کے 1 غار سے رات گئے ہونے والے آپریشن کے بعد برآمد کیا گیا ہے۔
غیر ملکی رپورٹس کے مطابق اسرائیلی فوج اور ایجنسیوں نے جن مغویوں کی لاشیں برآمد کی ہیں ان میں سے 4 کی عمریں 70 سال سے زائد ہیں۔
مغویوں کی لاشیں برآمد ہونے پر ردعمل دیتے ہوئے اسرائیلی وزیراعظم نیتن یاہو کا کہنا ہے کہ اسرائیل تمام مغویوں کو زندہ یا مردہ حالت میں واپس لانے کی جہاں تک ہوسکی کوشش کرے گا۔
دوسری جانب اسرائیلی اپوزیشن لیڈر یائر لاپیڈ کا کہنا ہے کہ ہم ہر گزرتے دن کے ساتھ مزید مغویوں کو کھوتے جائیں گے، ہمیں مغویوں کے واپسی کیلئے اب ڈیل کرنا ہوگی۔
اسرائیل کی جانب سے آج پھر غزہ شہر میں واقع ایک اسکول پر بمباری کی گئی ہے، حملے کے نتیجے میں اسکول میں پناہ لیے ہوئے 10 فلسطینی شہید ہوگئے۔
