149
اسرائیل کی صیہونی حکومت کی جانب سے گریٹر اسرائیل کا نقشہ جاری کر دیا گیا۔
اسرائیلی حکومت کی جانب سے جاری کیے گئے نقشے میں مقبوضہ فلسطینی علاقوں کے علاوہ اردن، شام، لبنان اور دیگر عرب ممالک کو اسرائیلی ریاست کا حصہ دکھایا گیا ہے۔
فلسطین، سعودی عرب، قطر، اردن، متحدہ عرب امارات کی جانب سے اسرائیل کے نام نہاد تاریخی صیہونی ریاست کے متنازع نقشے کی مذمت کی گئی۔
سعودی وزارت خارجہ کے مطابق ایسے بے بنیاد اور انتہا پسند اقدامات اسرائیلی حکام کے غاصبانہ ارادوں کو ظاہر کرتے ہیں، ایسے اقدامات قبضے کو مستحکم کرنے، ریاستوں کی خود مختاری پر حملے اور عالمی قوانین کی خلاف ورزی کے ارادوں کو ظاہر کرتے ہیں۔
بین الاقوامی برادری خطے کے ممالک اور عوام پر جاری اسرائیلی خلاف ورزیوں کو روکنے کے لیے کردار ادا کرے۔
قطری وزارت خارجہ کے مطابق یہ اقدام دوسرے ممالک کی خود مختاری کی سنگین خلاف ورزی ہے۔
