105
اسرائیل لبنان کی مزاحمتی تنظیم حزب اللہ سے جنگ بندی کو تیار ہو گیا۔ نگران لبنانی وزیراعظم کا کہنا ہے کہ امریکی سفیر نے یہ بتایا کہ 5 نومبر سے پہلے جنگ بندی ممکن ہے۔
غیر ملکی میڈیا کی جانب سے لبنان جنگ بندی تجویز کا مجوزہ مسودہ نشرکردیا گیا، مسودے کے تحت جنگ بندی کے باوجود اسرائیل حزب اللہ کے اہداف کو نشانہ بنا سکے گا، اسرائیلی فوج کے انخلا کے وقت ہی لبنانی فوج کی تعیناتی شروع ہوجائے گی۔
مسودے میں اسرائیل اور لبنان سے اقوام متحدہ کی قراردادوں پر عملدرآمد کا مطالبہ کیا گیا اور 60 روزہ جنگ بندی کے دوران مکمل عملدرآمد کو حتمی شکل دی جائے گی۔
دوسری جانب اسرائیلی وزیر توانائی کا کہنا تھا کہ اسرائیلی سیکیورٹی کابینہ اجلاس میں حزب اللہ سے جنگ بندی پر غور کرے گی۔
وائٹ ہاؤس کا کہنا ہے کہ اسرائیل لبنان جنگ بندی کے حوالے سے رپورٹس زیر گردش ہیں۔
