76 کراچی، اداکارہ نادیہ حسین کو ایف آئی اے نے ان کے اکاؤنٹ میں شوہر کی طرف سے کروڑوں روپے کی منتقلی کے معاملے پر طلب کر لیا ہے۔
کراچی، اداکارہ نادیہ حسین کو ایف آئی اے نے ان کے اکاؤنٹ میں شوہر کی طرف سے کروڑوں روپے کی منتقلی کے معاملے پر طلب کر لیا ہے۔
نجی ٹی وی چینل کی رپورٹ کے مطابق ایف آئی اے نے نادیہ حسین کو 14 اپریل کو ڈیڑھ بجے طلب کیا ہے۔ ایف آئی اے کے مطابق ان کے اکاؤنٹ میں شوہر نے کروڑوں روپے منتقل کیے ہیں جس پر نوٹس جاری کیا گیا، نادیہ حسین کے شوہر عاطف خان کے خلاف اربوں روپے کی مبینہ کرپشن کے الزامات ہیں۔
اس سے قبل ایف آئی اے نے نادیہ حسین کے خلاف سوشل میڈیا کے ذریعے ایف آئی اے پر الزامات عائد کرنے پر پی ای سی اے (پریوینشن آف الیکٹرانک کرائمز ایکٹ) کے تحت تحقیقات کا آغاز کیا تھا۔
ایف آئی اے نے اداکارہ کے الزامات کو حقائق کے خلاف قرار دیتے ہوئے کہا کہ یہ ادارے کی ساکھ کو نقصان پہنچانے کی کوشش ہے، جو ایک سنگین جرم ہے۔
ایف آئی اے سائبر کرائم ونگ کراچی نے معاملے کا نوٹس لیتے ہوئے نادیہ حسین کے خلاف پی ای سی اے ایکٹ کے تحت تحقیقات شروع کر دی ہیں۔
