حکومت نے انٹرنیٹ اور موبائل فون سروس بند کرنے کا فیصلہ کر لیا۔
اسلام آباد، حکومت کی جانب سے 23 نومبر سے اسلام آباد، خیبر پختونخوا اور پنجاب میں انٹرنیٹ اور موبائل فون سروس بند کرنے کا فیصلہ کر لیا گیا۔
ذرائع کا کہنا ہے کہ انٹرنیٹ اور موبائل فون سروس اسلام آباد، پختونخوا اور پنجاب کے مختلف اضلاع میں معطل کی جا سکتی ہے۔
ذرائع کے مطابق پی ٹی اے کی جانب سے 22 نومبر سے موبائل انٹرنیٹ سروس پر فائر وال ایکٹو کر دی جائے گی، فائر وال ایکٹو ہونے کی وجہ سے انٹرنیٹ سروس سلو جبکہ سوشل میڈیا ایپز پر ویڈیوز، آڈیوز ڈاؤن لوڈ نہیں ہو سکیں گی۔
ذرائع کے مطابق صورتحال کو مدنظر رکھتے ہوئے کسی بھی وقت مخصوص مقامات پر انٹرنیٹ، موبائل سروس معطل کی جا سکتی ہے۔
یاد رہے کہ پی ٹی آئی نے 24 نومبر کو اسلام آباد میں احتجاج کی کال دے رکھی ہے اور اس متعلق پی ٹی آئی رہنماؤں نے کہا ہے کہ احتجاج کی تیاریاں بھرپور طریقے سے جاری ہیں اور اس مرتبہ تمام مطالبات کی منظوری تک احتجاج ختم نہیں ہوگا۔
