پی ٹی آئی ایم این اے شیر افضل مروت کا کہنا کہ میں عمران خان کو ریکوسٹ کروں گا کہ جو لوگ مجھ پر الزام لگا رہے ہیں ان کو میرے سامنے بٹھائیں تاکہ دودھ کا دودھ اور پانی کا پانی ہو جائے۔
اسلام آباد، پاکستان تحریک انصاف کے ایم این اے شیر افضل مروت کا کہنا کہ میں عمران خان کو ریکوسٹ کروں گا کہ جو لوگ مجھ پر الزام لگا رہے ہیں ان کو میرے سامنے بٹھائیں تاکہ دودھ کا دودھ اور پانی کا پانی ہو جائے۔
پی ٹی آئی کے ایم این اے شیر افضل مروت نے اسلام آباد ہائی کورٹ میں میڈیا سے گفتگو کرتے ہوئے کہا کہ سابق وزیراعظم عمران خان یہی کہتے ہیں کہ ایک تو یہ لوگ پڑھے لکھے بھی نہیں اور دوسرا کوشش بھی نہیں کرتے۔
شیر افضل مروت نے کہا پتہ چلنا چاہئے کہ عمران خان کے کان میں زہر گھولنے کے پیچھے کیا وجوہات تھیں، ہم سب جیل میں بیٹھے ہوتے تھے، میں یہ نہیں چاہتا تھا کہ میں ان کے کرتوت سابق وزیراعظم کے سامنے لاؤں، کچھ لوگوں نے مشکل وقت میں پارٹی اور عمران خان کا ساتھ چھوڑ دیا اب ان لوگوں کو واپس لانے کی باتیں ہو رہی ہیں۔
پی ٹی آئی ایم این اے کا مزید یہ کہنا تھا کہ وہی لوگ ان کو واپس لانا چاہتے ہیں جوعمران خان کے خلاف بولتے رہے ہیں، بلے باز کو لانے میں فردوس شمیم نقوی کا اہم کردار تھا، اب تو کچھ رہ نہیں گیا، میں اب کسی کا بھی لحاظ نہیں کروں گا۔
