وفاقی وزیر انفارمیشن ٹیکنالوجی (آئی ٹی) شزا فاطمہ نے آئی ٹی کو ملکی معیشت کیلئے ریڑھ کی ہڈی قرار دیتے ہوئے کہا کہ ہمیں ڈیجیٹل دنیا کی طرف بہتر انداز میں جانا ہے۔ انفارمیشن ٹیکنالوجی (آئی ٹی) مصنوعات معیشت کے لیے ریڑھ کی ہڈی ثابت ہوگی۔
اسلام آباد بزنس سمٹ 2025 سے خطاب کرتے ہوئے شزا فاطمہ خواجہ کا کہنا تھا کہ آئی ٹی کا شعبہ بہت تیزی سے ترقی کر رہا ہے، مصنوعی ذہانت (اے-آئی) ایک ابھرتی ہوئی فیلڈ ہے، ہمیں ڈیجیٹل دنیا کی طرف جانا ہے۔
انہوں نے کہا کہ مصنوعی ذہانت نے انسانی زندگی کے مختلف پہلوؤں پر نمایاں اثرات مرتب کئے، ہمیں بھی مصنوعی ذہانت کے علم سے بہتر انداز میں روشناس ہونے کی ضرورت ہے۔
وفاقی وزیر کا مزید کہنا تھا کہ اداروں میں بہتر تعاون کے لیے مصنوعی ذہانت سے فائدہ اٹھانا ہو گا ہم پاکستان کو ڈیجیٹل اکانومی کی جانب لے کر جا رہے ہیں جس کی مثال ایف بی آر کی ڈیجیٹائزیشن ہے۔
شزا فاطمہ نے کہا کہ ڈیجیٹل ادائیگی کے باعث لین دین میں شفافیت آ رہی ہے۔ جبکہ ڈیجیٹل ادائیگی کو محفوظ بنانے کے لیے اقدامات ناگزیر ہیں۔
انہوں نے کہا کہ ہمیں دنیا کی رفتار کے ساتھ چلنے کی ضرورت ہے جس طرح دنیا ڈیجیٹل کی طرف جارہی ہے اور ہمیں دنیا کی رفتار کے مطابق چلنا ہوگا۔
