آئی سی سی چیمپئنز ٹرافی 2025 میں نیوزی لینڈ کیخلاف افتتاحی میچ میں پاکستان ٹیم پر جرمانہ عائد کردیا گیا۔
پاکستان کرکٹ ٹیم پر سلو اوور ریٹ کے باعث میچ فیس کا 5 فیصد جرمانہ عائد کیا گیا ہے۔
پاکستان ٹیم نے مقررہ وقت میں 1 اوور کم پھینکا تھا جس کے باعث پاکستان ٹیم پر جرمانہ عائد کیا گیا ہے۔
آئی سی سی قوانین کے تحت فی اوور کھلاڑیوں پر میچ فیس کا 5 فیصد جرمانہ عائد کیا گیا ہے۔
پاکستان ٹیم کے کپتان محمد رضوان کی جانب سے غلطی مان کر جرمانہ تسلیم کرلیا گیا ہے۔
واضح رہے کہ گزشتہ روز پاکستان میں 29 سال بعد ہونے والے آئی سی سی ایونٹ کے پہلے میچ میں نیوزی لینڈ نے پاکستان کو 60 رنز سے شکست دی تھی۔
یاد رہے کہ آئی سی سی چیمپئنز ٹرافی 2025 کا آغاز 19 فروری کو ہوا، جس کی میزبانی زیادہ تر پاکستان کر رہا ہے، پاکستانی ٹیم نے اپنا پہلا میچ نیوزی لینڈ کے خلاف کھیلا، جس میں انہیں 60 رنز سے شکست کا سامنا کرنا پڑا، اس میچ میں سست اوور ریٹ کی وجہ سے آئی سی سی نے قومی ٹیم پر میچ فیس کا پانچ فیصد جرمانہ عائد کیا ہے۔
اس میچ کے دوران فیلڈنگ کرتے ہوئے اوپنر فخر زمان زخمی ہوگئے اور ٹورنامنٹ سے باہر ہو گئے ہیں، ان کی جگہ امام الحق کو ٹیم میں شامل کر لیا گیا ہے۔
