لاہور، پنجاب پبلک سروس کمیشن (پی پی ایس سی) نے صوبائی حکومت کے چار محکموں میں مختلف آسامیوں کے حتمی نتائج جاری کر دیے۔
تفصیلات کے مطابق ترجمان پی پی ایس سی کا کہنا ہے کہ محکمہ لیبر اینڈ ہیومن ریسورس میں کنسلٹنٹ اوپتھلمولوجسٹ کی آسامیوں پر 6، کنسلٹنٹ ای این ٹی اسپیشلسٹ کی نشستوں پر 4، جبکہ کنسلٹنٹ پیتھالوجسٹ کے لیے 7 امیدواروں کا انتخاب کیا گیا ہے۔
اسی محکمے میں کنسلٹنٹ ٹی بی اینڈ چیسٹ اسپیشلسٹ کی پوسٹوں پر 5 امیدوار کامیاب قرار پائے۔
محکمہ اسپیشلائزڈ ہیلتھ کیئر اینڈ میڈیکل ایجوکیشن میں اسسٹنٹ پروفیسر بائیو کیمسٹری کی آسامیوں پر 18 امیدوار کامیاب ہوئے، جبکہ 2 نشستیں موزوں امیدواروں کی عدم دستیابی کے باعث خالی رہ گئیں۔
محکمہ پرائمری اینڈ سیکنڈری ہیلتھ کیئر میں کنسلٹنٹ آرتھوپیڈک سرجری کے لیے 14 افراد کو منتخب کیا گیا، تاہم یہاں بھی 2 نشستیں پر نہ ہو سکیں۔
پنجاب ایریگیشن ڈیپارٹمنٹ میں سب انجینئر کی ایک اسامی پر بھی امیدوار کا انتخاب عمل میں آیا ہے۔
سیکرٹری پی پی ایس سی افضال احمد نے کامیاب امیدواروں کا نوٹیفکیشن جاری کر دیا ہے، جب کہ کامیاب افراد کی فہرست کمیشن کی سرکاری ویب سائٹ پر بھی جاری کر دی گئی ہے۔
