لاہور ، وزیراعلیٰ پنجاب مریم نواز کا کہنا ہے کہ صوبہ پنجاب ڈیجیٹل ٹیکنالوجی اور آن لائن ٹریڈ میں تیزی سے ترقی کر رہا ہے۔
وزیراعلیٰ پنجاب مریم نوازسے امریکی صدر ڈونلڈ ٹرمپ کے حمایت یافتہ ادارے ”ورلڈ لبرٹی فنانشل“کے اعلیٰ سطح کے وفد کی جانب سےملاقات کی گئی ، جس میں اہم امور پر تبادلہ خیال کیا گیا۔
ورلڈ لبرٹی فنانشل کے وفد میں زجری فوک مین، زجری وٹ کوف اور چیس ہیرو شامل تھے، ملاقات میں پاکستان کرپٹو کونسل کے سربراہ بلال بن ثاقب بھی موجود تھے، دوران ملاقات میں بلاک چین اینوویشن ٹوکنائزیشن، رئیل ورلڈ ایسٹس اورسٹیبل ایپلی کیشن پر تبادلہ خیال کیا گیا۔
ملاقات کے دوران بلاک چین ٹیکنالوجی کے فروغ کے منصوبے پر غور کیا گیا، معدنیات، ایگریکلچر سمیت پاکستان کےقدرتی وسائل، حقیقی اثاثوں کی ٹوکنائزیش کا جائزہ لیا گیا۔
اس موقع پر ڈیجیٹل لین دین میں شفافیت، بہتر کارکردگی اور سکیورٹی امور کے لئے سٹیبل کوائن سلوشن کے نفاذ پر بات چیت بھی کی گئی، ملاقات میں ترسیلات زر، مالیاتی لین دین اور عالمی تجارت کےحوالے سے بھی تفصیلی گفتگو کی گئی ۔
دوران ملاقات پاکستان کے معاشی اور مالیاتی نظام کو ڈی سینٹرلائزڈ فنانس ماڈل سے مربوط کرنے پر اتفاق رائے کیا گیا جبکہ وزیراعلیٰ پنجاب مریم نواز کی جانب سے ورلڈ لبرٹی فنانشل کے وفد کے اختراعی معاشی نظریات کو سراہاگیا ۔
وزیراعلیٰ مریم نواز کی جانب سے پنجاب کو ڈیجٹیل اینوویشن کا ریجنل لیڈر بنانے کے عزم کا اظہار کیاگیا اور ورلڈ لبرٹی فنانشل وفد کو حکومت پنجاب کی ڈیجیٹل ٹیکنالوجیکل ایڈوانس منٹ اور مالیاتی اشتراک کار کے بارے میں آگاہ کیا۔
اس موقع پر وزیراعلیٰ مریم نواز شریف کا کہنا ہے کہ پنجاب ڈیجیٹل ٹیکنالوجی اور آن لائن ٹریڈ میں تیزی سے آگے بڑھ رہا ہے۔
