وفاقی وزیر داخلہ محسن نقوی کا کہنا ہے کہ پاکستان آمد پر سکھ یاتریوں کیلئے کوئی ویزہ فیس نہیں ہوگی۔
امریکہ سے آئے سکھ یاتریوں کے 44 رکنی وفد سے ملاقات کے دوران وزیر داخلہ محسن نقوی کا کہنا تھا کہ سکھ یاتریوں کو پاکستان آمد پر خوش آمدید کہتے ہیں۔ سکھ یاتریوں کیلئے پاکستان آمد پر ویزہ کی کوئی ویزہ فیس نہیں ہوگی۔
سکھ یاتروں کو حسن ابدال، ننکانہ صاحب اور کرتاپور سمیت کسی بھی جگہ جانے کی اجازت ہو گی۔
ان کا مزید کہنا تھا کہ یو ایس پاسپورٹ رکھنے والے سکھ یاتریوں کیلئے پاکستان میں ویزہ آن آرائیول کی سہولت موجود ہے اب کسی کو کوئی مسئلہ نہیں ہوگا چاہے آپ سال میں 10 بار پاکستان آئیں۔
امریکہ، کینیڈا اور یو کے کا پاسپورٹ رکھنے والی سکھ کمیونٹی اب آن لائن فارم جمع کراو کر 30 منٹ میں ویزہ حاصل کر سکتے ہیں۔
وزیر داخلہ کا مزید کہنا تھا کہ کچھ مسئلے اور مسائل ہیں جن کے فوری حل کیلئے کوشاں ہیں۔
ہم نے 124 ممالک کا ویزہ فری کردیا ہے اگر آپ کے پاس پاسپورٹ ہے تو آنکھیں بند کریں اور پاکستان آجائیں۔
حکومت چاہتی ہے کہ یہاں سال میں 10 لاکھ سکھ یاتری آئیں۔
ان کا مزید کہنا تھا کہ سکھ یاتری کرکٹ کیلئے جتنی بار آنا چاہیں آسکتے ہیں۔
چیمپئنز ٹرافی، پاکستان اور بھارت کے میچ کیلئے بھی سکھ یاتریوں اور بھارت سے آنے والے مہمانوں کیلئے الگ سے کوٹہ رکھ رہے ہیں۔
