ڈونلڈ ٹرمپ نے امریکا کے47 ویں صدر کی حیثیت سے حلف اٹھانے کے موقع پر بائبل پر ہاتھ نہیں رکھا۔
نومنتخب امریکی صدر ڈونلڈ ٹرمپ کی جانب سے عہدہ صدارت کا حلف اٹھایا گیا، جس کے بعد وہ امریکا کے 47 ویں صدر بن گئے۔
امریکی سپریم کورٹ کے چیف جسٹس جان رابرٹس نے صدر ٹرمپ سے عہدے کا حلف لیا۔
حیران کن طور پر ڈونلڈ ٹرمپ کی جانب سے صدارت کا حلف اٹھانے کے موقع پر بائبل پر ہاتھ نہیں رکھا گیا۔
خاتون اول میلانیا ٹرمپ صدر کیساتھ کھڑی تھیں، جنہوں نے 2 بائبلز تھام رکھی تھیں، لیکن ٹرمپ نے حلف لیتے وقت اپنا سیدھا ہاتھ بلند کیا اور کسی بائبل پر ہاتھ نہیں رکھا۔
ڈونلڈ ٹرمپ کے لیے بائبل پر ہاتھ رکھنا قانونی طور پر ضروری نہیں لیکن روایت کے تحت صدر عہدے کا حلف ایک ہاتھ بائبل پر رکھ کرلیتا ہے۔
امریکا میں صدیوں سے صدر بائبل پر ہاتھ رکھ کر ہی حلف لیتا ہے، تاہم نومنتخب صدر کے اس غیر متوقع اقدام نے لوگوں کو حیرت زدہ کر دیا۔
یاد رہے کہ 20 جنوری 2017 کو اپنے پہلے دورہ صدارت کی حلف برداری کی تقریب کے دوران ٹرمپ نے دائیں ہاتھ کو 2 بائبلز پر رکھا تھا۔
