148
وزیراعلیٰ کے پی علی امین گنڈاپور نے قومی ہیرو ارشد کو 50 لاکھ روپے بطور انعام دینے کا اعلان کردیا ہے۔
وزیراعلیٰ خیبرپختونخوا علی امین گنڈاپور کی جانب سے گولڈ میڈل جیتنے والے ارشد ندیم کیلئے ذاتی حیثیت سے 50 لاکھ روپے انعام کا اعلان کردیاگیا ہے۔
پشاور کے حیات آباد اسپورٹس کمپلیکس میں ضم اضلاع انٹراکیڈمی گیمز کی افتتاحی تقریب کے موقع پر علی امین گنڈا پور کا کہنا تھا کہ نوجوانوں میں ٹیلنٹ ابھر کر آ رہا ہے، قومی ہیرو ارشد ندیم کو 3 دن کیلئے دعوت دیں گے کہ وہ خیبرپختونخوا آکر ہمارے کھلاڑیوں کو بھی تربیت دیں۔
تقریب سے خطاب کے موقع پر علی امین کا کہنا تھا کہ کھیل انسان کو فٹنس اور پاور دیتا ہے، عمران خان سب سے بڑے کھلاڑی ہیں جو ڈٹے ہوئے ہیں اور چیلنجز کا بہادری کیساتھ مقابلہ کر رہے ہیں۔
افتتاحی تقریب کے موقع پرعلی امین گنڈا پور نے ضم اضلاع انٹر اکیڈمی گیمز کے فاتح اور رنر اپ کھلاڑیوں کیلئے مجموعی طور پر 30 لاکھ روپے انعامات کا بھی اعلان کیا۔
